Изработувањето на традиционални музички инструменти во Република Северна Македонија како значаен сегмент за зачувување на постарата музичка инструментална традиција

Резиме:
Изработката на различни предмети потребни за функционирање на човекот е вештина која луѓето ја поседувале и развивале уште од нивното појавување. Овие вештини кај луѓето, од одредени предмети од природата да се изработат функционални алатки кои ќе им го олеснат секојдневното живеење се развивале паралено со умствениот развој на луѓето. Со текот на времето, лоѓично е поединци да се издвојат со поразвиени вештини во изработувањето на различните алатки. Еден од многубројните занаети кои човекот ги развил и усовршувал во текот на своето постоење е и изработувањето на различни предмети за произведување на звук. Овие предмети за произведување на звук во својот развој и еволуција претрпувале бројни промени и варијанти сѐ до оној момент додека не биле прилагодени да одговараат на потребите на поединецот и заедницата во која се употребувале.
Поставената тема треба да даде одговори поврзани со прашањата од типот: кој изработува музички инструменти, од кого го научиле овој занает, кој алат го употребуваат, кои инструменти ги изработуваат, зошто ги изработуваат, од каде го набавуваат материјалот за изработување, колку е економски исплатлив овој занает како и ред други прашања на кои одговорите ги бараме од самите изработувачи на музички инструменти.
Преку предложената тема ќе опфатам дел од изработувачите на народни музички инструменти кои изработуваат музички инструменти и ќе опфатам и претходно објавени публикации од македонски и странски истражувачи кои го опфаќаат изработувањето на традиционални народни музички инструменти на територијата на денешна Р.С. Македонија.

Клучни зборови: Занает, музички инструменти, изработување, алат.