Џез Солфеж

Учебникот „Џез солфеж“ е наменет за студентите запишани на Одделот за џез студии. Во учебникот е опфатен процесот на совладување и усовршување на ритмичко- мелодиските структури преку разбирање, анализа и интерпретација на нотниот текст, карактеристичен за џез музичкиот стил.Покрај солфежните вежби, учебникот содржи и мелодии од џез стандарди кои се користат како материјал за музички диктат. Во процесот на работа студентите, покрај запишувањето на мелодијата, имаат можност да ја надополнат звучната слика со двоглас, троглас и четвороглас, како и со хармонските симболи (шифри) што се користат во џез музичката практика.
Работата со музички диктат претставува синтеза на стекнатите знаења и вештини на студентите и значително придонесува за развивање на нивниот слух и музичка перцепција. Основната цел на музичкиот диктат е студентите да развијат подлабоко разбирање на џез фразирањето, хармонската логика и стилската интерпретација, развивање на способност за прецизно слушање, препознавање и брзо пренесување на музичката звучна слика во јасен и прецизен нотен запис.