Теренските истражувања наспроти информациите од современите медиуми во функција на презентација и заштита на зурлаџиската музика

Имајќи ја во предвид сѐ почесто споменуваната тема поврзана со заштитата на материјалното и нематеријалното културно наследство, ќе се обидам да направам паралела помеѓу материјали вршени од теренски истражувања и материјали објавени на достапните медиуми и нивната употребливост во некое идно време за постоењето на некоја фолклорна содржина, во мојот случај зураџиската музика. Првин ќе го посочам теренското искуство кое го здобива еден научник-истражувач во текот на истражувањето на одредена материја и методите кои ѓи применува во текот на прибирањето на информациите, нивно обработување, селектирање и класифицирање. Во овој случај станува збор за материјал кој самиот истражувач може од суровина да го преточи во дестилиран научен производ. Фокусот ќе биде свртен и кон достапните материјали објавени од страна на различни медиуми (телевизија, филм, интернет) и нивната употребливост во научни цели и заштита на одредено културно наследство.
Преку предложената тема ќе направам осврт на овие два вида извори (теренско истражување и информации од медиуми) и нивната употребливост за научни цели.

Клучни зборови: Зурла, тапан, зурлаџиска музика, терен, медиум.