Kонзерваторско реставраторски работи на градба во Дорски стил, сектор Владетелска палат – локалитет Градиште Славков Дол, Билазора, село Кнежје – Свети Николе 2025 годибна

Во непосредна близина, односно на растојание од 2.00 м од северозападниот агол на Владетелската палата на локалитетот Градиште Славок Дол во 2023 година е откриен уште еден објект со работен наслов Градба во Дорски стил (Храм).
Иако објектот има работен наслов Градба во Дорски стил, врз основа на откриената камена пластика (фрагменти од столбови, капители, архитрав, фриз со метопи и триглифи или уште познат како покривен корниз), дава индиции дека се работи Храм.
Со истражувањето е откриен габаритот на градбата, но северниот дел не е целосно истражен односно источниот ѕид излегува од основата на храмот кон сеевер (сочуван само во субструкцијата) и заедно со западниот бедем на кој е фланкиран објектот, се создава слика како да постои уште една просторија на север (пронаос). Ова ситуација не е потврдена и се надевам дека со понатамошните истражувања ќе добиеме целосни резултати за габаритот на објектот односно ќе знаеме дали објектот има пронаос.