Добродетелот Константин Анастасов (Хаџи Костадин, логотет)

Хаџи Костадин, штипјанец, добродетел-филантроп, донатор и инвеститор на повеќе важни објекти во градот. Се работи за најобразованиот и најбогатиот штипјанец меѓу тогашните свои сограѓани. Од хумани побуди кон болните, сиромасите и бездомните сограѓани тој ја гради првата каритативна установа во овој дел на Македонија наречена Шпитале. Како градоначалник на црковно-школската општина Св. Никола Варошки дал голем придонес за градењето на ново училиште, заслужен е за изградбата на зградата на „Штипското театро”,издал и книга под наслов „Кратко описание за светите дваесет манастири во Атонската Гора”, печатена во Цариград во 1866 год. Тоа, всушност, е првиот печатен туристички водич во историјата на Штип. Хаџи Костадин ќе остане запаметен во штипската историја на XIX век.