Руфејда прва медицинска сестра во историјата на Исламот

Големата радост го заблескала целиот Јерсиб кога од далечина се укажала светлоста која го најавувала доаѓањето на Милоста на сите светови Мухаммед (с.а.в.с). конечно дочекувајќи го Пратеникот на Исламот, верата на која ги предале своите срца, души и тела, јерсибиските муслимани во редови стоеле пред ширум отворените врати на својот град, додека од нивните гради се издигнувала песната „Полната месечина заблескала од долината на Вед...“. Пресреќна и возбудена пее и Руфејда, ќерка на Са'ад, едниот од првите меѓу следбениците на Мухаммед (с.а.в.с.), во Јерсиб.