Еден пристап за санација при нестабилност на косини кај Усек на експресен пат со примена на геолошки и инженерскогеолошки методи

Поради изнаоѓање на оптимални решенија за безбедна изведба и стабилност на
косини на Усек 1 на експресниот пат Коридор VIII, Крива Паланка – Страцин, делница
Длабочица-Чатал, изведени се дополнителни геолошки и инженерскогеолошки истражувања.
Потребата за дополнителни активноси се јавува поради тоа што косините на предметниот
усек во фаза на изведба пртрпуваат помали и поголеми одрони, свлекувања и ерозија,
најмногу поради стрмниот наклон на косините во однос на сложената геолошка и
структурна поставеност на теренот. Ова во голема мера ја усложни и самата изведба на
овој усек особено на неговата десна страна која поради неповолните елементи на правец на
падна насока и паден агол на фолијацијата во однос на трасата на патот, претрпила
сериозни оштетувања. При тоа при самата изведба по основен проект се појавиле
откинувања на блокови со големи димензии и нивно гравитациско придвижување кон
коловозната конструкција.
Со помош на новиот пристап и дополнителните анализи е добиено решение кое е во симбиоза
со сложената структура на шкрилците и ги рефлектира потребите за безбедно одвивање
на градежните активности и безбедна експлоатација на експресниот пат.