Геолошко-геотехнички услови за изведба на усек на локалитет Пилав Тепе

При геолошко-геотехничките истражувања и испитувања за усеци се изведуваат голем број на
истражни работи. Дел од нив се изведуваат по целата површина на усекот и пошироко, а
истражните дупнатини се поставуваат по осовината на трасата и тоа на почетокот, на крајот
или на највисокиот дел од усекот. Притоа е потребно, истражните работи да ја опфатат целата
висина на усекот и да завршат под нивелетата на патот. Со изведбата на истражните работи
секогаш се добиваат доста геолошко-геотехнички податоци, а во овој реферат е прикажан
пример за комплексен геолошки склоп на цврсто сврзани карпи од типот на андезити, помеѓу
кои има хидротермално променети меки и трошни андезити. Овде комплексниот геолошкиот
склоп на теренот докажува дека во одредени ситуации применетите истражни работи не се
доволни за негово дефинирање, што може да се види во фазата на изведба при целосно
отварање на косините од усекот. Како резултат на ова, мерките за заштита се прилагодени на
реалните услови по целосно завршување на ископот на косините.