Поддршка за развојот на Првиот двегодишен извештај за транспарентност на Северна Македонија и комбинираниот Втор двегодишен извештај за транспарентност и Петтиот национален извештај за климатските промени за секторот земјоделство, шумарство и промени во користењето на земјиштето (AFOLU).

Првиот двогодишен извештај за транспарентност (BTR1) на Република Северна Македонија претставува клучен чекор во исполнување на обврските преземени со Парискиот договор и воспоставената Рамка за подобрена транспарентност (Enhanced Transparency Framework – ETF). Овој извештај обезбедува сеопфатен и конзистентен преглед на националниот инвентар на емисии на стакленички гасови, напредокот во спроведувањето на национално утврдениот придонес (НУП), политиките и мерките за ублажување, како и релевантните информации за адаптација, финансиска поддршка, трансфер на технологии и градење на капацитети.
Извештајот е подготвен во согласност со модалитетите, процедурите и упатствата (MPGs) на UNFCCC, со примена на најновите методолошки пристапи на IPCC и со обезбедување на високо ниво на транспарентност, споредливост и конзистентност на податоците. Во неговата подготовка беа интегрирани резултатите од националните стратешки документи, вклучително Националниот инвентар за стакленички гасови 2020-2022, Анализите за ублажување на климатските промени, Ревидираните национално утврдени придонеси, Националниот план за енергија и клима и други документи изработени во рамките на проектот за подготовка на BTR1.
Подготовката на BTR1 се одвиваше во период на динамични енергетски и економски предизвици, при што посебно внимание беше посветено на усогласување на климатските цели со потребите за енергетска сигурност и одржлив економски развој. Овој извештај ја потврдува посветеноста на Република Северна Македонија кон транспарентно, одговорно и континуирано известување, како и кон активен придонес во глобалните напори за справување со климатските промени.