Свечено отворање на 50.“Струшка музичка есен“ (1975-2026)

Во речиси осумдецениското дејствување, Сојузот на композиторите на Македонија, остварува клучна улога во развојот, афирмацијата и негувањето на македонското музичко творештво. Во рамките на неговата повеќестрана дејност за промоција, обединување и заштита на македонското музичко творештво преку организирање на значајни музички настани, концертна активност, издаваштво, фестивали и меѓународна соработка, музичко – научната манифестација Струшка музичка есен претставува значаен сегмент во дејноста на СОКОМ.
Оваа година, во рамките на јубилејното 50 – то издание, се осврнуваме кон културниот континуитет на манифестацијата Струшка музичка есен, имајќи ги во предвид обемот и разнородните дејности во текот на изминатите 5 децении.