Toni Kitanovski Interstellar Transmitions - Kotur Skopje 2025

Проектот „Interstellar Transmitions“ претставува концертен музички настан од областа на современиот џез, базиран исклучиво на авторски композиции на гитаристите Тони Китановски и Сашо Поповски, изведени во модерен и современ аранжман.

Проектот е резултат на креативна соработка на четворица етаблирани македонски музичари со богато домашно и меѓународно искуство.

Ансамблот настапува во состав:
- Тони Китановски – гитара
- Сашо Поповски – гитара
- Оливер Јосифовски – контрабас
- Александар Секуловски – тапани

Посебна уметничка специфичност на проектот е присуството на две гитари, што претставува реткост и оригиналност во контекст на македонската џез сцена.
Овој инструментален концепт овозможува богат хармонски јазик, динамична комуникација меѓу солистите и уникатна звучна архитектура што се движи помеѓу современиот џез, импровизацијата и авторскиот музички израз.

Репертоарот е конципиран како концертна целина што ја истакнува индивидуалноста на секој музичар, но и колективната синергија на ансамблот. Музиката е наменета за поширока културна публика,
љубители на џезот и современата уметност, како и за помладата публика која се запознава со современи музички форми.