Градинарство во заштитен простор

Производството во заштитени простори претставува значен предизвик за земјоделските производители во Република Северна Македонија, особено за производителите на зеленчук. Актуелизирањето на овој начин на производство и негоото континуираното усовршување има големо значење во процесот на намалување на влијанието на климатските промени и глобалното затоплување, како едни од најголемите закани при производството на храна. Усовршувањето на паметните технологии, реонирањето на производството, согласно климатските карактеристики на регионите во нашава земја, механизирање на производните процеси со цел намалување на ангажирање на работна сила и трошоците на производство, подобрување на технологиите на производство, избор на сорти и хибриди што се рентабилни, може да резултира со квалитетно производтво и високи приноси.
Учебникот Градинарство во заштитен простор, има за цел да даде воведни познавања за значењето на производството во заштитени простори, познавањето на видовите на заштитени простори и избор соглесно културите што планираме да ги одгледуваме, условите за подигнување на заштитени простори (надморска височина, брзина на ветер, ниво на подземни води, патна инфраструктура и друго), микроклиматските услови во заштитените простори, нивна контрола и технологии за подобрување. Учебникот обработува и морфолошки и физиолошки карактеристики на повеќе значајни зеленчуци кои се одгледуваат во заштитени простор, нивните квалитетните карактеристики и влијанието врз здравјето на човекот, технологијата на производство, организацијата на работните процеси, барањата на пазарот, целта на производството, бербата и приносот.
При пишувањето на книгата, користена е домашна и странска литература, резултати од истражувања од домашни и странски автори, како и сопствено искуство од оваа област.
Учебникот е наменет за студентите од студиска програма Градинарство, а дел од поглавјата од учебникот се изучуваат и во студиските програми Полjеделство, Фитомедицина и Растителна биотехнологија, како и за студентите од други универзитети и факултети.