Демирхисарско културно лето – Концерт Сашо Поповски Трио 03.09.2025

ДЕМИРХИСАРСКО КУЛТУРНО ЛЕТО 2025

Џез концерт на Сашо Поповски трио

Почитувани, ве покануваме во среда (03.09) со почеток во 20 часот во Домот на културата “Илинден” Демир Хисар на Концертната промоција на “Steps” - првиот албум на Сашо Поповски за француската издавачка куќа “Art Melodies”.

На концертот покрај Сашо Поповски на гитара, ќе настапат и Алек Секуловски на тапани и Иван Бејков на контрабас.
Тројцата музичари ќе понудат уникатно музичко искуство низ звуците на современи џез-аранжмани и оригинални композиции од новиот албум.

„Степс“ е мултикултурна музика со седум нумери од чисти линии, егзотични мотиви, заклучени структури и бујна имагинација, во која авторот свесно остава простор за развој и поместување на звучните бариери преку различниот карактер на инструментите, како и непредвидливиот сензибилитет на музичарите.
Од ефективно тивки до крајно доминантни и префинети музички мотиви, импровизации со кадифен сјај и орнаменти кои постојано кулминираат во музичкиот простор, основата на ова издание е заедничкиот јазик што членовите на оваа група го совладале до совршенство. Амбиентот на ова издание е различен во секоја композиција од среќен и блескав до бавен и мистичен, од африкански ритам до 6/8 сонувачи валцер, изразот е богат и карактеристичен со јасна доминација на различните звучни бои, што е конкретен чекор напред на авторот во однос на неговиот музички вкус и перцепција.

Џез концертот е последен во рамките на Манифестацијата “Демирхисарско културно лето 2025” и влезот за истиот е бесплатен.

Ве очекуваме‼️

#македонскиџез #macedonianjazz #sasopopovski #jazz #steps #album #concert #macedonia #music @highlight