Терестријалната радиоактивност и радонот во населените места на Република Македонија

Оваа дисертација ги претставува резултатите од систематското истражување на природната
радиоактивност во РМ. За таа цел, гама спектрометриски се анализираа 213 примероци од
почва и 218 примероци од цементи и суровини за производство на цементите. Направена е
проценка на годишната ефективна доза која ја прима населението од терестријално зрачење
на отворен и во затворен простор. За да се процени изложеноста на зрачење на населението
на 222Rn и 220Rn во затворен простор, се спроведе национално мерење во период од декември
2008 до декември 2009 година во вкупно 437 живеалишта за

222Rn и 300 живеалишта за 220Rn.
Мерењата се правеа со нуклеарни трагови детектори CR-39 во иста позиција во четири
последователни сезони (4 пати во годината со исто време на изложеност од 3 месеци). Се
одредија сезонски фактори на корекција за 222Rn и 220Rn во затворен простор. Резултатите
покажаа статистички значајна разлика на концентрациите на 222Rn и 220Rn мерени во
различни сезони и различни региони. Влијанието на факторите врз концентрациите на 222Rn
и
220Rn поврзани со карактеристиките на градбата на живеалиштето исто така беа
истражувани. Концентрацијата на 222Rn и 220Rn се мереше со помош на активна метода алфа
спектрометриски на вкупно 14 локалитети во Скопје и Прилеп. Статистичката анализа на
резултатите се правеше на ниво на значајност од 95% (p < 0,05).