„Симболизмот во Добро темпериран клавир од Ј. С. Бах“ предавања и пијано семинари од проф. д-р Милица Шкариќ во средните музички училишта во Скопје, Штип и Битола

Проф. д-р Милица Шкариќ одржа серија предавања и пијано семинари во средните музички училишта во Скопје, Штип и Битола на тема „Симболизмот во Добро темпериран клавир од Ј. С. Бах“. Таа ги опфати симболите кои се појавуваат во ова монументално дело, а по предавањето одржа семинари со учениците од средните училишта по пијано на кои работеше врз интерпретацијата на Прелудиумите и фугите од ДТК од Ј. С. Бах.
Предавањето и семинарот во ДМБУЦ „Илија Николовски-Луј“ се одржаа на 25 април во склоп на Денот на пијаното, во ДМУЦ „Сергеј Михајлов“ Штип се одржаа на 6 мај, а во ДМУ Битола на 5 јуни 2025.