Стоп на теророт, да не се повтори -учество во групна излобжа

На 25.03.2025 година во Музејот на град Скопје ќе се отвори Третата меморијална ликовна изложба „Стоп на теророт, да не се повтори!“, во организација на Родокрајното здружение „Загоричани“ и академскиот скулптор Петре Наневски, а во реализација на Музеј на град Скопје. Изложбата е организирана по повод одбележувањето на 120 години од трагедијата во селото Загоричани (1905 – 2025).
Со свои дела на изложбата ќе бидат претставени 44 автори, претставници на различни генерации, стилски определби и ликовни тенденции во современата ликовна уметност. Делата, вкупно 46, главно слики и скулптури, се изработени во различни техники и се одраз на оригиналните креативни импулси, естетика и автентична ликовна индивидуалност на авторите.
На изложбата ќе можат да се видат дела од следните автори:
Ангел Нацевски, Ангел Димовски – Чауш, Александар Ефтимовски, Андријана Андреева, Боро Арсовски, Валентина Илиевска, Васил Чулев, Владимир Чулев, Глигор Васков, Горјан Ѓорѓиев, Димитар Филиповски, Доне Милјановски, Димитар Солаковски, Ирена Гапковска, Игор Мишев, Јана Манева Чупоска, Катерина Таневска, Коле Манев, Лиле Јовановска Арсова, Љубица М. Солак, Микица Трујкановиќ, Мануел Тасевски, Маја Рауник Кирков, Марија Николовска Наневска, Никола Наневски, Никола Тренов, Нела Јанковска, Павле Кузманоски, Павел Јовановски, Петре Наневски, Петар Попчев, Петар Фидановски, Петра Јовановска, Ристо Андреев, Ристо Мијаковски, Соња Спировска Остоиќ, Стефан Димовски, Стефан Анчевски, Стефан Јакимовски – Стеф, Слободан Милошески, Смиле Цветановски, Томе Мишев, Томе Даневски, Трајче Чатмов.
Професорот Слободам Милошески на оваа изложба се претстави со скулпторското дело под наслов „Распарчена судбина“, изработено во метал со димензии 76х37х35 cm.