Боите на Св.Трифун низ сликите на ликовните уметници од Македонија 2025 - групна изложба

На 14.02.2025 о музеј галеријата во Кавадарци во присуство на голем број ликовни уметници и љубители на уметноста беше отворена групната ликовна изложба под наслов „Боите на Св. Трифун низ делата на ликовните уметници од Македонија“ како круна на бројните културни настани кои беа организирани во неделата посветена на виното и чествувањето на најголемиот празник на лозарите.
Изложбата се состои од вкупно 76 слики изработени во најразлични техники и шест скулптури на 39 ликовни уметници од Македонија. Цели 25 години музеј-галеријата ја негува традицијата по повод празникот Св. Трифун да организира наменски и тематски изложби на ликовни дела инспирирани од вековната традиција на одгледување на виновата лоза во Тиквешкиот регион.
Професорот Слободан Милошески се претстави на оваа изложба со две сликарски дела под наслов „Смарагден пламен“ и „Изблик на чувства“, двете изработени во комбинирана техника.