Слоеви на тишината и Светлосен расплет

Меѓународната ликовна колонија ДРЕН 2025, која се одржа од 30 август до 5 септември во Прилеп, во прекрасниот амбиент околу манастирот „Св. Ѓорѓија“, собра 17 уметници од Северна Македонија и регионот, со цел да го истражат својот креативен потенцијал и да разменуваат професионални искуства. Оваа колонија, поддржана од Министерството за култура, продолжува да биде значајна платформа за современа визуелна уметност и меѓународна соработка.
Меѓу учесниците беа Јуре Кокеза, Звјездана Јембрих, Злата Томљеновиќ, Звонко Павличиќ, Снежана Манасиќ, Стефан Анчевски, Васко Горѓиев, Дејан Макаријоски, Верче Николоска, Александар Џинго, Ферди Булут, Марјан Стојаноски, Златко Крстески, Емил Димоски, Слободан Милошевски, Ристе Мицевски и Бојана Тошевска. Тие во текот на колонијата работеше на различни медиуми, од сликарство и скулптура до инсталации и дигитални експерименти, истражувајќи индивидуални и групни уметнички концепти.
За време на престојот на колонијата проресорот Слободан Милошески изработи две сликарски дела под наслов „Слоеви на тишината“ и „Светлосен расплет“. Делата се со димезии 80х60cm. и беа изработени во техниката акрил на платно.