Идентификација на пајонско оружје од VI – V век п.н.е. од просторот на Р. Македонија

Историските извори за Пајонија се релативно ограничени но сепак разгледувани во контекст со трагите од материјалната култура доволни да се направи идентификација и реконструкција на пајонското оружје. Во тој поглед прв којшто ги споменува Пајоните како сојузници на Троја и преку којшто може да се добие одредена претстава за нивната најрана воена историја бил Хомер, а по него и Херодот, Тукидит и Страбон. Врз основа на трагите од материјалната култура во предметниот период, пред се оружјето откриено во фунерарен контекст како и иконографијата на пајонските монети може да се издиференцираат типовите на оружја како и принципот на вооружување и концептот на војување на Пајоните.