Фортификациите како основна заштита на населението од опасности во средниот век на територијата на општина Штип

Историските настани и случувања на Балканскиот полуостров во средниот век, пропратени со немири и војни, наметнале потреба од заштита на населението и местата на живеење. Така се појавуваат фортификациите како основна заштита, начин кој во суштина бил ист како во праисторијата и антиката но прилагоден за тогашните средновековни предизвици. Ова е својствено и за територијата на општина Штип која во одделни периоди од средниот век влегувала во составот на повеќе различни државни творби каде се формирал ваквиот начин на заштита.