Концерт на дуото Ширин Акбулут Демирчи и Милица Шкариќ на Вториот меѓународен фестивал за современа музика на УГД Штип

На 29 мај проф. Ширин Акбулут Демирчи и проф. д-р Милица Шкариќ одржаа целовечерен концерт со пијано композиции за четири раце во рамките на Вториот меѓународен фестивал за современа музика на УГД Штип. Тие премиерно во Македонија ги изведоа шесте пиеси на тема на народни песни од Бурса од турскиот композитор Беркант Генчкал и за прв пат со светска премиера композицијата „Елено, ќерко“ од Александар Лековски.
Гостувањето на проф. Ширин Акбулут Демирчи беше поддржано од Еразмус програмата за мобилност со што се оствари соработка помеѓу Бурса Улудаг Универзитетот и УГД Штип.
Проф. Акбулут Демирчи на 31 мај на Музичката Академија во Штип одржа семинар по пијано и предавање на тема „Турските женски композитори во литературата за соло пијано“.