Влијанието на Bacillus sp. врз бројот на стоми кај пашканатот (Pastinaca sativa L.)

Намалувањето на употреба на хемиски средства и воведување на биолошки препарати за заштита од болести кај градинарските култури денес претставува фокус на бројни научни истражувања. Основната цел на нашето истражување беше компаративна анализа на влијанието на хемиските и биолошките препарати за заштита од болести кај пашканатот (Pastinaca sativa L.) врз бројот и густината на стомините отвори. Стомите играат значајна улога во процесот на размена на гасови (СО2) и регулација на испарената вода меѓу внатрешните ткива и надворешната средина. Оттаму стомите се суштински регулатори на фотосинтезата и транспирацијата. Истражувањето беше поставено на отворено поле на површини во околината на Скопје со контролна парцела и три третмани (варијанти). Контролната парцела е нетретирана, третманот Т1 беше со фолијарна
апликација на хемиски препарат Ridomil Gold MZ 68 WG (40 g/kg metalaxyl-m + 640 g/kg mankozeb ), третманот Т2 со фолијарна апликација на Bacillus spp. ( 0,4 х 107 CFU/ ml) означено како B-98, а третманот Т3 е со фолијарна апликација на Bacillus spp. ( 0,4 х 107 CFU/ ml) означено како B-62. Статистичката анализа на податоци е со ANOVA тест.
Истражувањата покажаа дека најголем број на стоми на долниот епидермис (стоми/mm2) има кај растенијата од Т2 односно 1552 стоми/mm2. Во однос на просечната густина на стоми на долниот епидермис, високо статистички значајни разлики (p˂0,001) беа утврдени помеѓу контролата и третманите Т1, Т2 и Т3, како и помеѓу третманот Т3 со третманот Т1 и третманот Т2. Истражувањето покажа дека растенијата третирани со Bacillus spp. (T3) имаат најголем вкупен број на стоми, што укажува дека е погодна за развој на биопрепарати за одржливи и еколошки земјоделски практики.