Влијанието на Bacillus sp. врз приносот кај брокулата (Brassica oleracea var. italic)

Примената на бактерии кои произведуваат секундарни метаболити и манифестираат антимикробни активности против многу фитопатогени микроорганизми, промовирајќи го растот кај растенијата и подобрувајќи го целокупното здравје на растенијата, покажуваат потенцијал како биоѓубриво и средства за биоконтрола и засилувач на толеранција на стрес кај различни култури. Целта на нашето истражување беше да се утврди влијанието на Bacillus spp. врз приносот на централни соцветија кај брокула (Brassica oleracea var. italic) одгледувани во Скопско. Истражувањето беше поставено на отворено поле, со контролна парцела која не е третирана, третман Т1 со фолијарна апликација на хемиски препарат Ridomil Gold MZ 68 WG (40 g/kg metalaxyl-m + 640 g/kg mankozeb), третманот Т2 со фолијарна апликација на Bacillus spp. (0,4 х 107 CFU/ ml) означено како B-98 и третман Т3 е со фолијарна апликација на Bacillus spp. (0,4 х 107 CFU/ml) означено како B-62. Статистичката анализа на податоци е со ANOVA тест.
Просечен добиен принос на централно соцветие по растение се движеше од 430 gr кај контролата, 547 gr кај T1, 555 gr кај Т2 и 617 gr кај Т3. Статистичката анализа на податоците за добиен принос на централни соцветија покажа статистички значајни разлики (p<0,05) помеѓу контролата и третманите Т1, Т2 и Т3, додека статистички значајни разлики (p<0,01) помеѓу контролата и третманот Т3. Истражувањето покажа дека третманот со Bacillus spp. (T3)- B-62 позитивно влијае врз зголемување на приносот кај брокулата. Биоконтролата на растителните патогени и растот на растенијата е важна карактеристика на Bacillus инокулантите и затоа нивното понатамошно испитување е значајно за развој на зелени пестициди за одржливо земјоделско производство