Револуција во оралната хирургија со вештачка интелигенција и етичките стандарди

Вовед: Вештачката интелигенција (ВИ) се однесува на искористување на модерните технологии за да се симулираат човечките сознанија со цел решавање на специфичен проблем. Убрзаниот развој на вештачката интелигенција во здравствениот сектор допринесува за подобрувањето на брзината на рутинското собирање на податоци и на пресметување на истите. Вештачката интелигенција може да покрене голем дел етички прашања.
Цел: Овој труд има за цел да се разгледа можната тековна примена на вештачката интелигенција во оралната хирургија за да на хирурзите им се објаснат основните потребни технички елементи, да се разбере нејзиниот потенцијал и етичкиот кодекс во нејзината примена.
Материјал и метод: Алгоритми за вештачка интелигенција се користени за да им се помогне на хирурзите со дијагноза, терапевтски одлуки, предоперативно планирање и предвидување и евалуација на исходот од терапијата.
Резултати: Планирањето, одлучувањето и евалуацијата за време и по операцијата може да се подобрат со системи за симулација. Овој алгоритам сепак треба ригорозно да се процени клинички, а систематската етичка рефлексија треба да се спроведе во однос на заштитата на податоците, различноста и транспарентноста.
Заклучок: Развојот на моделот за вештачка интелигенција може да им помогне на клиничарите во одлучувањето и да обезбеди дополнителни алатки за идна дијагноза и планирање третман во оралнохируршката, естетската и имплантната хирургија.
Клучни зборови: Вештачка интелигенција, дијагноза, план на терапија, етика, заштита на податоци