Структурна трансформација - самостојна изложба

Во Музејот и галерија во Кавадарци на 10.09.2023 година беше отворена мојата самостојна изложба на скулптури насловена „Структурна трансформација“. Оваа поставка ја сочинуваа 10 скулпури од инокс , добиени со техника на констуирање со заварување. По повод отворањето на изложбата говореа директотот Јаком Зимоски, кустосот Елизабета Ристова и реномираниот ликовен уметник Владимир Темков.
Обликувањето на скулптурите кои беа претставени на оваа изложба се чини како да е направено на едноставен начин и со леснотија. Од друга страна е видлив концептот за примена на специфични вештини во создавањето на хармонично комбинирани површини. Во суштина овие уметничките дела и даваат значење на идејата за пречекорување на границите на искуството, за когнитивното во полето на металната уметност, а на тој начин го отвораат и патот на самиот чин на автосознание.