Секвенци од рефлексијата - самостојна изложба

Проектот „Секвенци од рефлексијата“ претставува моја самостојна изложба која беше отворена на 10 ноември 2023 во Младинскиот културен центар во Скопје. Поставката беше составена од 14 скулпторски дела од галериски формат,а публиката имаше прилика да ја посети изложбата до 19 ноември.
Преку медиумот на инокс во оваа изложба јас како автор се обидувам да пренесам сложени и длабоки концепти, што резултира со уметнички дела кои предизвикуваат. Во суштина се работи за необична изложбена поставка на скулптури, која ги поканува гледачите да ја истражат интеракцијата помеѓу формата, светлината и нивната перцепција. Овој концепт го ангажира гледачот на интелектуално и на емоционално ниво, поттикнувајќи интроспекција и подлабоко истражување на сопственото битие. Поставката ја сочинуваат иновативни дела кои можеме да ги окарактеризираме со две особини: многу прецизен начин на кој е изработен материјалот (металот) и уникатен концепт на артикулирање на идеи кои се од доменот на духовното.