Одгледување на пиперка и проблеми при производството во Р. Северна Македонија

Пиперката (Capsicum annuum L.) е едногодишно, дикотиледоно растение од фамилијата Solanaceae, која потекнува од јужните делови на Северна и Средна Америка и северните земји на Јужна Америка. Според своето стопанско значење во нашата земја, пиперката e една од најзначајните градинарски култури. Скоро и да не постои регион во Македонија каде што не се одгледува пиперката, а во некои региони покрај поволните агроеколошки услови, постои и долга традиција за одгледување на оваа култура.