Рецензија за Денови на македонска музика - концерт на хорот ПРОАРС

И овој концерт покажа дека е многу значајно да се одржува континуитет кој ќе придонесува да се ревитализира хорската традиција, како една од клучните столбови во севкупното македонско музичко творештво. Оваа констатација ја потврди и многубројната публика која создаде една емоционална интеракција со хорот преку долгите и искрени аплаузи. Останува отворена мислата дека вакви хорски музички доживувања би требало да се организираат почесто, како редовна практика за презентација на делата на македонските композитори, а воедно и како можност на младите хористи со својот израз и младештво да внесат свежина при секоја нова изведба.