Серија концерти со музика за глас, виолончело и пијано на триото Богоромова-Краповски-Шкариќ

Триото во состав на сопранистката Гонца Богоромова, виолончелистот Паскал Краповски и пијанистката Милица Шкариќ, одржа серија од три целовечерни концерти во Струмица, Тетово и Штип. Концертите беа поддржани од Министерството за култура на РМ и беа изведени во рамките на проектот „Про Музика“ на Сојузот за музички уметници на Македонија. Уметниците изведоа дела од Моцарт, Шуберт, Глезер, Берлиоз, Франк, Дајс и Михајловски. Композициите од Дајс и Михајловски беа со премиерни изведби.
Уметниците настапија на:
- 8 март 2016 во НУЦК „Антон Панов“ во Струмица;
- 9 март 2016 во ОМУ „Тодор Скаловски - Тетоец“ во Тетово;
- 22 март 2016 во концертната сала на Музичката Академија во Штип.