Горанчо Ангелов - Соло гајда, настап по повод Светскиот Ден на Музиката во градскиот парк во Скопје, локација Школка

Професорот по традиционални инструменти на Музичката академија при Универзитетот „Гоце Делчев“ од Штип, Горанчо Ангелов настапи на Светскиот Ден на Музиката кој за првпат се организира во Македонија а истиот традиционално се организира во повеќе од 400 градови низ светот. Овој празник низ светот се слави на 21 јуни со средби и со бесплатни настапи на аматерски и професионални музичари на отворени сцени, на градски улици како и на плоштади. Со разните музички приредби воедно се обележува и календарскиот почеток на летото. Професорот Ангелов изведе неколку традиционални напеви на гајда.
Настанот беше организиран од Македонската Музичка Индустрија (ММИ) и Здружението за заштита на авторски музички права (ЗАМП) како организации кои колективно управуваат со правата на музичките изведувачи и автори а се одржуваше во градскиот парк во Скопје, локација Школка.