Симулација на интерполирано движење на работните елементи на CNC струг

Примената на софтверите за симулација, нивната улога и значење, значително се истакнува при реализација на процеси на обработка со режење на современи CNC металорезачки машини.
Имплементацијата на софтверите за симулација т.е. нивното континуираното подобрување, надградување и усовршување позитивно влијае за подобрување на квалитетот и сигурноста на процесите на обработка, што води кон тенденциозно проширување на подрачјето на нивна примена.
Софтверите за симулација се наменети за планирање и проектирање на споменатите процеси, преку дигитална визуализација на текот и начинот на реализација, составните компоненти, карактеристичните големини и крајните резулати.
Со примена на софтвер за симулација, во насока на визуализација на процесите на обработка со режење на конкретна CNC металорезачка машина, се постигнува целта на магистерскиот труд, односно се согледуваат и елиминираат сите појави и големини кои можат физички да го загрозат, нарушат или целосно да го спречат текот на реалните процеси. Во тој контекст се зголемува точноста и прецизноста, а се скратуваат времето и ресурсите, кои како главни фактори директно влијаат за подобрување на ефикасноста и продуктивноста во самите процеси.