Зурлаџиската музика, невидливиот мост помеѓу различните етнички заедници во РС Македонија

Музиката како невидлива материја која не може да се допре туку се чувствува само преку сетилата за слух, завзема значајно место во животот на луѓето од памтивека. Без разлика во кои моменти и каква функција имала музиката, таа најчесто се поврзува со пеењето од страна на луѓето и со музичките инструменти како произведувачи на звук, едноставни или посложени со можност за произведување на разлипни тонски висини. Музичките инструменти пак низ историјата биле креирани и создавани на одредени територии според музичките потрби на оној кој ги произведувал и употребувал. Некои инструменти бил употребувани до одреден момент па исчезнувале, па повторно се појавувале а некои опстоиле до ден денес. Намалувањето или целосното исчезнување од употреба на одредени музички инструменти било резултат на различни општествени и културолошки влијанија. Реално, музичките инструменти најчесто се создавале и изработувале според воспоставени закономерности од средините и заедниците кои имале потреби од нив но не ретко, тие доживувале и одредени миграции во други средини, нетишични за нив. Можам да кажам дека овие миграции на музичките инструменти биле резултат на миграциите на лугето кои со себе ја носеле и својата народна традиција. Миграциите на инструментите се случувала и преку различните патувања кои ги правеле луѓето кои повторно се враќале во своите средини а со себе имале можност да набават и да донесат некој музички инструмент. Преку поставената тема ќе се осврнам на музичките инструменти зурла и тапан за кои постојат многубројни претпоставки дека потекнуваат од територијата на денешна Република Турција. Овие инструменти и зурлаџиско-тапанџиската музика завземаат значајно место и во македонската музичка инструментална традиција поради што ќе направам преглед на нивната употреба во некои контексти кај различните етнички заедници кои живеат во РС Македонија. Во текстот ќе пренесам дел од личните теренски истражувања преку кои доаѓам до сознание за гостување на македонски зурлаџиски групи во Р. Турција што укажува на задржани врски помеѓу луѓето од РС Македонија и Турција
Клични зборови: Инструментална традиција, зурла, тапан, свирачи, музика, контексти.