Фортификациите како основна заштита на населението од опасности во средниот век на територијата на општина Штип

Во суштина, утврдувањето на населените места, како во антика
та така и во средниот век, претставувало основа која овозможувала заштита на населението и материјалните добра кои се наоѓале во нив. Секако дека за ова придонес имале историските настани и случувања карактеристични за овој временски период. Ваквиот начин на заштита се појавува и на териториите на општина Штип која низ средниот век била во составот на повеќе различни државни творби.