ДЛУМ Годишна изложба 2025 - групна изложба

На 1 декември 2025 година, во Мултимедијалниот објект „Мала станица“ во Скопје, беше отворена Годишната изложба на Друштвото на ликовни уметници на Македонија, на која беа претставени дела од најновата продукција на членовите. Како неселективна изложба, таа го афирмира правото на секој член слободно да го презентира делото што најдобро го одразува неговото уметничко истражување.

Изложбата обединува класични медиуми – цртеж, сликарство, графика и скулптура – заедно со современи уметнички практики, како што се инсталацијата, концептуалната уметност, новите медиуми, дигиталната и видео уметноста, фотографијата и експерименталните техники. Оваа коегзистенција ја отсликува динамиката на современата ликовна сцена и постојаното преиспитување и обновување на уметничките форми.

Претставените дела создаваат заедничка визуелна нарација што ги одразува темите и прашањата на нашето време – идентитет, меморија, околина, технологија и емоција – потврдувајќи ја уметноста како простор за дијалог и критичко размислување.

На изложбата проф. д-р Слободан Милошески се претстави со скулпторското дело „Светлосен шепот“, изработено во техника на конструирање со заварување на инокс, со димензии 29 × 12,5 × 9,5 cm.