Ефектот на растителните регулатори за раст врз in vitro регенерацијата на тиквичка

Основна цел на оваа истражување беше да се постави култура од апикални пупки, хипокотил и котиледони на тиквичка (Cucurbita pepo var. cylindrica) за да се утврди нивната ефикасност за регенерација во цело растение. Апикалните пупки, хипокотилот и котиледоните беа изолирани од семиња кои беа ’ртени во асептични услови и беа култивирани на MS медиум збогатен со различни комбинации и концентрации на регулатори за раст на растенијата и тоа: MS1 (MS+0,1 mg/l IBA+0,5 mg/l IAA+3,0 mg/l KIN) и MS2 (MS+0,5 mg/l IAA+3,0 mg/l BAP). По 30 денови, изданоци беа добиени само од апикални пупки и котиледони одгледувани на MS1 медиум, додека хипокотилите како почетни експлантатни реагираа со индукција на корени и калус на MS1 медиум. Медиумот MS2 се покажа неуспешен за микропропагација на тиквичка од сите почетни екплантанти. По 60-70 дена добро вкоренетите изданоци беа префрлени во пластични садови, наполнети со стерилизиран тресет помешан со перлит. Културите беа одгледувани во клима-комора под контролирани услови и тоа на температура од 25оC, и фотопериодизам од 16 часови светло и 8 часови темно.