Заштитни археолошки истражувања на лок. Богослов камен, с. Горни Балван, Штип

Во рамките на изградбата на хидросистемот ,,Злетовица“, меѓу останатите загрозени локалитети беше истражуван и археолошкиот локалитет БогословКамен.
Локалитетот Богослов Камен се наоѓа во непосредна близина на с. Горни Балван, источно од него. Од северната страна локалитетот е заграден со повеќе ридови, додека на југ е отворен кон широката котлина на штипско поле, а на исток кон кочанско поле.
Со овие заштитни археолошки истражувања лок. Богослов Камен е идентификуван како населба од енеолитскиот период, период кој веќе е евидентиран во поблиската околина, јужно преку реката Брегалница лок.
,,Пилаво“ кај с. Бурилчево и источно лок. ,,Свети Атанас“ кај с. Спанчево, Кочанско. Самиот локалитет претставува населба од типот градиште, лесно пристапен само од западната страна каде се откриени и остатоци од одбранбен бедем.