Годишна изложба на студентите од Технолошко-технички факултет 2022

This is the latest version of this item.

На 31 Мај 2022 година во уметничката галерија „Безистен“ во Штип се одржа традиционалната годишна изложба во која учествуваа студентите од три образовни институции: Ликовната Академија, Музичката Академија и Технолошко-техничкиот Факултет. На изложбата беа презентирани многубројни уметнички дела, изработени по одредени теми и различни техники. Дел од презентациите претставени на годишната изложба беа изработени од страна на студентите од Технолошко-техничкиот факултет од насоката Дизајн на текстил и облека, кои ги претставија своите дела работени во текот на изминатата учебна 2021/2022 година. Проф. д-р Марија Ќертакова во улога на ментор ја претстави својата работа и работата на своите студенти со кои работеше по предметите: модна илустрација, историја на облека, дизајн на модна колекција и модни аксесоари и модно портфолио. Настанот беше посетен од страна на професорите од Ликовната и Музичката Академија и Техничко-технолошкиот факултет, студентите од целиот Универзитет, како и од страна на реномирани уметници, ликовни педагози и културно-уметнички аналитичари и критичари.