Рецитал на студентот Петре Штерјов од класата на проф. д-р Милица Шкариќ со премиерна изведба на пиеси оп.11 од Т.Зографски

На 18 јули 2015 во Велес во салата „Бели мугри“ со солистички рецитал се претстави младиот и надежен пијанист Петре Штерјов, студент на трета година по пијано во класата на проф. д-р Милица Шкариќ. Штерјов изведе дела од Чимароза, Хендел, Хајдн, Лист, а премиерно во Македонија ги изведе Пиесите оп.11 од македонскиот композитор Т. Зографски. Рециталот беше дочекан со воодушевување од присутната публика, а посебна атракција за медиумите беше премиерната изведба во Македонија на пиесите оп.11 од Зографски. Овие пиеси претходно биле изведени само еднаш и тоа од самиот композитор во Белград.