Потреба од примарна реанимација кај доносени новородени деца

Повисокиот процент на деца кои бараа примарна реанимација се објаснува со нивото на здравствена заштита што го пружа Клиниката, каде се транспортираат со „transport in utero“ бремени жени со висок ризик. Во секое породилиште, а особено во едукативна установа, мора континуирано да се одвива процес на едукација за совладување на реанимационите вештини, бидејќи во околу 50% од случаите не може да се предвиди потребата од примарна реанимација. Имајќи предвид дека голем број раѓања има и во останатите породилишта, неопходно е спроведување на континуирана медицинска едукација на целиот персонал кој работи со родилките и новородените деца, за да се одржи потребното ниво на вештини, неопходни како за преживување на новородените деца, така и за минимизирање на ризикот од неповолен психомоторен развој.