Варијабилност на говорот на младите во Италија

Сите јазици постојано се менувааат и не постојат стабилни јазици. Говорот на младите се карактеризира со брза јазична динамика во однос на стандардниот јазик. Најочигледна карактеристика на говорот на младите е силната варијабилност, односно променливоста. Таа се однесува на повеќе димензии: време, простор, општествена скала, урбана структура, тип на здружување итн. Кога станува збор за говорот на младите, разликуваме четири типа јазични вариетети и тоа: дијахрониски (според времето), дијатописки (според местото), дијастратиски (според општествените класи) и дијафазички (според комуникациските ситуации).