Заштита при работа во лабораторија - практикум

Оваа скрипта има за цел да им помогне на студентите на Факултетот за медицински науки да се оспособат за лична заштита при работа во лабораторија во тек на студирањето и во тек на идната работа. Во текот на вежбите студентите ќе се запознаат со типовите на лаборатории според нивото на биолошка безбедност и ќе научат како правилно да се однесуваат во секоја од нив; ќе се запознаат со основниот лабораториски прибор и лична заштита, ќе научат како правилно се постапува со медицинскиот отпад, ќе се запознаат со основните лабораториски техники, дезинфекција и стерилизација; ќе ги научат принципите на транспорт на инфективен материал и ќе научат како да постапуваат при непредвидени ситуации.