Орално здравје за сите генерации

Забите како дел од устата претставуваат прва алка од системот за варење на храната но и неизоставен дел од лицето, со кое комуницираат луѓето. Покрај функционалниот и естетски придонес, учествуваат во формирањето на говорот, нивната правилна вилична распореденост и поставеност дава баланс на лицевиот изглед, мимиката и психолошкиот карактер на особата.
Различни промени и заболувања на забите и околните структури кои го сочинуваат забниот орган, се повеќе или помалку карактеристични за одредена старосна група но толку остра и прецизна линија не може да се постави, па токму затоа во текстот ќе бидат опфатени само дел од нив кои сметаме дека во најголем процент го детерминираат оралното здравје.