Oправданоста на правните лица како субјекти во договорот за доживотна издршка

Овој труд ја истражува улогата и можноста правните лица да настапат како даватели на издршка во рамките на договорот за доживотна издршка, преку компаративна анализа на повеќе европски правни системи. Истражувањето опфаќа систематизација на статусот на правна уреденост на овој договор, релевантните извори на право и регулирањето на правата и обврските на страните, со посебен акцент на условите под кои правните лица можат да се јават како даватели на издршка. Резултатите од ваквата систематизација служат како основа за понатамошна детална анализа на избрани правни системи. Анализата укажува на отсуство на јасно дефинирана и хармонизирана регулатива, што создава услови за правна несигурност и можни злоупотреби. Во контекст на стареењето на населението и сè поголемата улога на институционалната грижа, се наметнува потребата од воспоставување прецизна правна рамка која ќе утврди кои категории правни лица можат да ја преземат оваа улога, под кои услови, со соодветни механизми за заштита на примателите на издршката.
Клучни зборови: правни лица, давател на издршка, споредбено право, правна рамка