Карактеристични појави и форми како резултат на суфозија во чакалесто-песокливи средини

Во текот на изведбата на Eкспресeн пат А4, делница Штип – Радовиш, изведено е детално
картирање на отворените профили на изведени усеци за дополнителна анализа на стабилноста.
Со понатамошни анализи направена е измена на наклонот на косините, односно нивно
ублажување. За време на инженерскогеолошкото картирање регистрирани се карактеристични
појави и форми кои се резултат на процесот на суфозија. Во овој труд се прикажани два
примери на изведба на усеци во слични геолошки средини, составени од чакали и песоци,
подложни на суфозија. Исто така прикажан е еден можен начин на санација на отворите
формирани како резултат на суфозијата.