Brown синдром како последица на родилна траума во предел на десна орбита

Brown синдром е редок вид на нарушување во булбомоториката кој се карактеризира со ограничување на
подвижноста на очното јаболко кон горе кога истото е поставено во аддукција. За прв пат е опишан во 1950
година од страна на д-р Браун.
Во овој труд ние опишавме случај на седумгодишно девојче кое се јавува на преглед во ЈЗУ УК за очни болести
Скопје поради нарушување на подвижноста на десниот очен булбус. Од мајката се добиени хетероанамнестички
податоци за родилна траума во пределот на десната орбита и скршеница на истостраната клавикуларна
коска поради асистирано породување со вакум. По извршените анамнестичко инвестигациски постапки и
позитивниот тест на форсирана дукција поставена е дијагноза за Brown синдром. Објаснета е состојбата на
семејството од пациентката и даден е совет за следење на истата преку редовни офталмолошки контроли.
Клучни зборови: Brown синдром, родилна траума, страбизам, булбомотори.