Уролошки компас: безбедна навигација кон онкологија за пациентите со карцином на простата

Карцинот на простата (PCa) претставува хетерогена малигна болест која бара навремена дијагностика, прецизна стратификација на ризикот и персонализиран терапевтски пристап. Современиот уролог има клучна улога во целокупната клиничка патека – од иницијалното сомнение и дијагностика до изборот на третман и координацијата со мултидисциплинарниот тим. Во последната деценија, примената на mpMRI, таргетирана биопсија и современи методи на стејџинг, особено PSMA PET/CT, значително ја подобрува детекцијата и проценката на распространетоста на болеста.
Презентацијата ја прикажува клиничката патека од дијагноза до третман, со акцент на проценката на возраста, коморбидитетите, ECOG статусот, очекуваниот животен век и молекуларните карактеристики на туморот. Посебно внимание е посветено на идентификацијата на пациенти со високоризична, локално напредната и метастатска болест, кај кои раното вклучување на медицинскиот онколог е суштинско.
Заклучок: Современото лекување на PCa бара динамична, персонализирана и мултидисциплинарна навигација, при што урологот останува координатор во изборот на оптималната терапевтска стратегија.