Macedónčina pre Slovákov - Македонски јазик за Словаци

Учебникот „Macedónčina pre Slovákov / Македонски јазик за Словаци“, од Игор Станојоски и Звонко Танески, е универзитетски учебник по современ македонски јазик наменет пред сè за словачки студенти по славистика, филологија и преведување, но и за поширок круг заинтересирани за македонскиот јазик. Станува збор за првиот практичен универзитетски учебник по македонски јазик објавен во Словачка.
Материјалот е организиран во 28 лекции и ги опфаќа основните лексички и граматички содржини потребни за нивоата А1–А2, со нагласена ориентација кон практичната употреба на стандардниот македонски јазик во различни комуникациски ситуации. Учебникот содржи и текстови за читање и преведување, македонско-словачки диференцијално-фреквентен речник и упатувања кон дополнителна стручна литература.