Широкопојасен пренос на податоци преку електроенергетската мрежа

Овој труд претставува преглед на технологијата за широкопојасна комуникација преку електричната
мрежа (Broadband over Power Line Communication - BPLC) како средство за комуникација при детекција,
контрола и автоматизација на електричната мрежа. Некои од апликациите каде што оваа технологија
може да се примени се пренос на информации од уреди за мерење на квалитетот на електричната
енергија, системи за управување со енергија и автоматизација, управување со побарувачка и други. Во
трудот е прикажан преглед и анализа на барањата за комуникациски систем базиран на BPLC, со
посебен акцент на условите на постојната мрежна инфраструктура потребни за користење на оваа
технологија. Трудот е изработен врз база на вистински пример, односно земена е електричната мрежа
на градот Богота во Колумбија за анализа и нејзина модернизација сѐ со цел полесно и попрактично
користење денес.
Клучни зборови:
широкопојасни, паметни, мрежа, технологии, комуникациски, податоци