Човекови права и транзициска правда

Оваа книга е наменета за стекнување знаења за современите стандарди за почитување на човечкиот живот и достоинство, особено во комплексни ситуации поврзани со воени конфликти или вонредни состојби. Одредени теоретски аспекти на обработените теми се претставени низ призма на практиката на Европскиот суд за човекови права и на Меѓународниот кривичен суд. Во материјалот е интегрирана транзициската правда како повеќедимензионален концепт кој е важен предуслов за поствоено и поставторитарно заздравување на општествата што минуваат низ процеси на транзиција. Целта е да се разбере меѓусебната поврзаност на човековите права, меѓународното хуманитарно право и транзициската правда, како и да се унапредат знаењата неопходни за нивна примена во реален безбедносен и одбранбен контекст.