Геопаркови, предизвици и можности за развој на еко туризам

Геопарковите претставуваат одредени територии кои се насочени кон заштита, управување и
презентација на природното и културно-историското наследство на дадена област. Тие обично се
наоѓаат на земји со висока геолошка и природна вредност. Една од основните цели на геопарковите се
зачувување на природните ресурси, биодиверзитетот и ранливите екосистеми. Тие преземаат мерки за
заштита на геолошките формации, флората и фауната со цел да ги обезбедат за идните генерации.
Геопарковите имаат улога да даваат можности за едукација и да ги информираат посетителите за
геолошкото наследство и природните појави. Тие нудат центри за толкување, информативни табли, тури
и други едукативни активности кои им помагаат на посетителите да научат и да го разберат значењето
на геологијата и природните процеси. Геопарковите промовираат одржлив развој и соработка со
локалната заедница. Тие го поддржуваат развојот на одржливиот туризам, кој се заснова на заштита на
животната средина и почитување на локалната култура и традиции. Геопарковите го вклучуваат и
локалното население во управувањето и одлучувањето за развојот на геопаркот. Геопарковите даваат
можности за истражување и промоција на геологијата и природните науки. Композициите во
геопарковите имаат значително влијание врз искуството и разбирањето на посетителите за геолошкото
наследство и животната средина. Тие можат да бидат разновидни и да вклучуваат физички објекти и
информациски елементи кои комбинираат природни и културни аспекти. Начините на од кој геопаркови
имаат влијание вро системот се Едукативна вредност: каде се даваат можности за едукација и
информирање на посетителите за геолошкото минато, формите на земјиштето, карпестите формации и
други природни феномени. Тие може да вклучуваат информативни табли, интерактивни прикази, модели
и експонати кои им помагаат на посетителите подобро да ја разберат геолошката историја на областа,
Естетско влијание: добро испланираните граници на геопарковите можат да обезбедат естетско искуство
на посетителите. Тие можат да вклучуваат изложбени објекти, скулптури, клупи, патеки и други
елементи кои ја истакнуваат убавината и уникатноста на природните формации во геопаркот.
Споредено со другите држави во кои има воспоставено геопаркови, кај нас се уште намаме геопарк иако
имаше една инцијатива за Кратовско-Злетовската област. Скоро сите европски геопаркови бележат
извонредно позитивни резултати во нивната промоција, локален економски (најчесто рурален) развој и
сеопшт напредок. Затоа е неопходно во идниот период да се искористат сите можности Македонија да го
добие првиот геопарк и да се етаблира како навистина уникатна Европска геодестинација.